Está formada polos lugares de Bermil, Bricheiro, O Castro, A Condomiña, A Lagoa, As Leiras, Outeiro, A Pereira, As Pozas, Riocabo, Santa Cristina, A Serra e nela viven 85 persoas.
Hai algunhas lendas sobre unha fonte de auga milagreira/medicinal que se atopa no interior do templo de Sta Cristina, a igrexa ten unha curiosa ventá visigótica feita dunha soa peza granítica. No lugar de Outeiro destaca unha edificación cun bonito arco de medio punto, e no lugar de Bermil a capela da Casa Torres Quevedo.
Celebran as festas patronais o 23 e 24 de xullo.