Nesta parroquia está o núcleo urbano do municipio, centro comercial e de servizos, hai feiras os días quince de cada mes. Podemos atopar unhas boas vistas panorámicas desde o cruceiro de San Miguel. A parroquia está formada polos lugares de A Abelaira, Campo Redondo, A Carretería, Millarados, Pacios, Randulfe, Rodillón e San Pedro e nela viven 256 persoas. As festas patronais son o terceiro domingo de setembro na honra da Virxe das Dores e o 29 de setembro na honra de San Miguel.
PASEO RUXIDOIRA. Na capitalidade do concello existe un paseo que acompaña o regato Ruxidoira, onde o visitante poderá disfrutar dunha tranquila camiñata que o levará ata o conxunto etnográfico formado por unha fervenza e un muíño de recomendable visita.
IGREXA DE SAN MIGUEL. Templo románico que conta cunha artística pila bautismal do s. XVI ¿ XVII e un dos máis destacados cruceiros das terras luguesas, composto por un capitel de follas e volutas e un esbelto fuste monolítico decorado con motivos da Paixón de Cristo.